النسخة الورقية
  • الارشيف

العدد 11316 الخميس 2 ابريل 2020 الموافق 9 شعبان 1441
بحث متقدم

الكلمات الاكثر استخداما

  • 30%

  • الفجر
    4:07AM
  • الظهر
    11:41AM
  • العصر
    3:11PM
  • المغرب
    5:55PM
  • العشاء
    7:25PM

العدد 11305 الأحد 22 مارس 2020 الموافق 27 رجب 1441

زمن يا فن

رابط مختصر
هذي حكاية شقا مظلوم
وإلا قصيدة زمن يا فن
الطارق اللي بدا مهدوم
سوى سواة النوى والعن
جوالي اللي غدا مكلوم
في غيبتك ما ضحك أو رن
تمنعني عزة المهزوم
يتحمل الطعنة ما ون
تبيع حبي بسعر السوم
جرحك أكيد وجروحنا ظن
لك نظرةٍ تبري المتهوم
وتخلي اللي انتهى ممكن
لكن حبك سواة العوم
ما كل رجلٍ سبح يفطن
ماني بحبك ترى ملزوم
ولاني بدرب الهوى منجن
سهرتلك والليالي عتوم
وعيوني الذابلة تطحن
كان العشم يا حبيبي تدوم
وأعيش طول العمر مستن
غنيتلك مع أم كلثوم
«بعيد عنك» تعال وحِن
و«سر حبي» ما هو مكتوم
«وأعن لك» مع محمد عن
لكن حبك «أسى وهموم»
«قالوا ترى» يا عبادي غن
ظنيت بك كعبة المضيوم
ألوذ بك واحتمي وآمن
ظنيت بك محزمٍ زيزوم
واثرك نحاسٍ لبس معدن
واليوم عذرك غلاتي دوم
غلاك خله معاك أحسن
دسيت لي في عسلك سموم
وخليتني في غدرك أوهن
وشلي بخلٍ كلامه غيوم
وإلا مني نصيته زن
ما نيب قايل يا عيب الشوم
ثوب المعابة عليكم حن
ما عاد عندي عتاب ولوم
أنا لجرح الهوى ممتن
الطيحة اللي بعدها تقوم
عز الله إنها وريثة جن
تعطي لكسرى قصور الروم
وتخلي الأعجمي يرطن


الطارق

أبرز النقاط

شــارك بــرأيــك

التعليقات المنشورة لا تعبر عن رأي الايــام وإنما تعبر عن رأي أصحابها