دندني يا روح روحي
لا تخلّيني بروحي
بك دوى قلبي وراسي
طبّي وْ بلسم جروحي
] ]
إنتي آنا ... وانا إنتي
أغلى كل الناس بنتي
وين ما جيتي ورحتي
بك سما أكبر طموحي
] ]
لك ورى الاضلاع رُوضه
يا اجْمَل وْيا أغْلى *روضه*
يا القصيد وْ يا عروضه
صمتي الحالي و بوحي
] ]
وادرين الحب دونك
كلّني فدوة عيونك
دعوتي الله يصونك
وانتي بْدنياي فوحي
] ]
بك لياليّ ونهاري
ريحة ثْيابي ،،،،،،، و داري
جنة فوادي ،،،،،، و ناري
وبَحْري وْموجي و لوحي
] ]
بنتي .. وْ جُمْلة حياتي
بك حلاوة ذكرياتي
بك حياتي .... بك مماتي
بك طَرَبْيَ .. وْ كلّ نوحي