النسخة الورقية
العدد 11003 السبت 25 مايو 2019 الموافق 20 رمضان 1440
بحث متقدم

الكلمات الاكثر استخداما

  • 30%

  • الفجر
    3:19AM
  • الظهر
    11:34AM
  • العصر
    3:02PM
  • المغرب
    6:26PM
  • العشاء
    7:51PM

كتاب الايام

وردة حب

رابط مختصر
العدد 10892 الأحد 3 فبراير 2019 الموافق 28 جمادة الأول 1440

شفتها.. وطل الصباح بنور عيني
شفتها.. وقمت احسد عيوني على اني شفتها

كل شي(ن) داخل عيوني تغير
كل شي(ن) عاند احساسي بنظره
صار من شوفه مسير
ياااااالاهي..... كل ما فيها يحير

قربتلي.. وقمت اطالع... مو مصدق
قربتلي... وقامت عيوني تدقق
قربتلي...
يااااا الاهي..
حلم جاني دون موعد
يوم جت... كنه تحقق

قالت: اسمحلي..
وقلت: الله اكبر.. ما سمعتك؟
لو تكرمتي علي شوي.. عيدي
قالت: اسمحلي: وقلت: الله اكبر
احلى استئذان من سمعي تعدا
زيدي زيدي في كلامك.. زيدي.. زيدي
قالت: اسمحلي
وقلت: انسان مثلك ما يدور له اذن
انتِ قولي: يا.. وانا اجيلك ولو عمري ثمن

قالت: اخجل..
قلت: يا زين الخجل
قالت: اتعب..
قلت: بأكتبلك غزل
قالت: احكي..
قلت: طيرتي العقل
قالت: اشبك؟
قلت: حبيتك.. قوليلي.. شالعمل؟

سكتت وقالت: ترا زاد الخجل
قلت: اسمك؟
قالت: انسى..
قلت: يا ربي دخيلك
كل شي(ن) فيك ناعم..
ليه قلبك قام يقسى؟
قالت: اسمعني.. ترى زاد الخجل
قلت: هذا اللي اقوله في عجل
والا لو تعطيني اكثر..
قلت شي بعين غيري من الجنون
ويمكن تقولي: خبل
قالت: اخجل..
قلت: احبك... تسمعين؟
واللي قلته مو غزل
هذا احساسي اللي ميت من سنين
ولما شافك اشتعل

قالت: اشبك؟.. هذا هذا اول لقا
قلت: والله ثم والله ما يكون آخر لقا
قالت: اشبك؟
قلت: عمر وراح مني
كان قلبي فيه دايم ينخذل
قالت: وهالحين..؟.. قلي
قلت: شافك.. وارتوى دمه عسل
قالت: لسانك يجنن..
قلت: كل اللي سمعتي من تعابير السهل
واللي مثلك.. تستحق الهرج كله ف الرضا
عيب.. يقربها الزعل
واعذريني
اللي قلت شوي مني
 بكل حرف وكل كلمه تقول حس
وليت احساسي وصل
قالت: ايه.. وثم ايه.. والله ان حسك وصل
قلت: يا محلى الصدف
ترزقك بستان حب فمره وحده
وكل ورده حب تعني
باقي ف الدنيا أمل

شــارك بــرأيــك

التعليقات المنشورة لا تعبر عن رأي الايــام وإنما تعبر عن رأي أصحابها