النسخة الورقية
العدد 11093 الجمعة 23 أغسطس 2019 الموافق 22 ذو الحجة 1440
بحث متقدم

الكلمات الاكثر استخداما

  • 30%

  • الفجر
    3:50AM
  • الظهر
    11:41AM
  • العصر
    3:11PM
  • المغرب
    6:08PM
  • العشاء
    7:38PM

كتاب الايام

التملك «فلسفة قلب»

رابط مختصر
العدد 10430 الأحد 29 أكتوبر 2017 الموافق 9 صفر 1439

انتظرت .. وجتني فجأه
كيف؟ .. مدري كيف
وكيف تعني فـ السؤال اشلون دق الشوق بابي وما احتريته؟
هذا حلم؟
هذا علم؟
او جنون؟
او عجايب ما تجي بوصف العجايب؟
المهم انها حقيقه
جابت الحب وطريقه
غاب عني من سنين
حتى اني
ما سمعت بعاشق(ن) فارق عشيقه
ولا سمعت بمن يحب بهالطريقه
ولا درا قلبي عن العشق ومرارته العميقه
بس تذكر
لا انغرم ف انسان يعني
ولع الدنيا حريقه
قلبي هذا فيلسوف
كل يوم وكل ساعه وكل دقيقه
يطري جمله تحتوي كومة مشاعر
بس اثثها حروف ..
فاسمع اسمع
ومن جنونه .. شوف شوف:
قال قلبي: فـ التملك اصدق انواع الغرام
- ما صدق في اللي يقوله حسب رايي
التملك عندي اكبر من احاسيس وكلام
التملك ما يمثله الهيام
التملك فالغرام:
يعني انك شايف الدنيا الكبيره في حبيبه
هي بعيده بالجسد .. بس هي اقرب قريبه
التملك يعني انك لابس(ن) ثوب الغرام
التملك يعني انك طاير(ن) مثل الحمام
التملك يعني انك تمشي في ليل ونهار وما تشوف الا حبيبك
والبشر كلها نيام
التملك ما هو حس
التملك يعني انك ما تقل للحب بس
عيش حبك بارتياح
وانت ياللي غبت عني .. يا هلا
كل عضو(ن) في حشاي يقولها
وانت آمر في ضلوعي
اسكن بصدري ولا لك غير بيت(ن) من غلا
او محبه من صميم الدم تكتب:
( نبض قلبي .. وجيش دقه .. كلها لاجلك قيام )
وانتبه عني تروح
لانتهى عزف السلام.

شــارك بــرأيــك

التعليقات المنشورة لا تعبر عن رأي الايــام وإنما تعبر عن رأي أصحابها