الصبـــح بعيــــــــوني

No ads

الصبح بعيوني مشاعر على ذوق
ياخذ تفاصيلك على لسان شاعر
مايلهم بنوره ولكن مع شروق
ينثرك بيني تيه والقلب حاضر
في ضمته لك عمر وآمال وبروق
تسكن سماي وتمطرك بي مشاعر
تصبح على الدنيا وبالاذكار ملحوق
ياخوف روحي تاخذك منك حاذر
صاحب ولك بامر المعاذير منطوق
كم يوم يستوحي العذر وانت شاطر
يثمر غلاك ويعترف ذايق الشوق
يتنفس أعماقك شعر لو تغادر
يامالك احساس الصباحات بحقوق
شوف انرسم بك حرف بعيون عابر
وشوف التفاؤل لو زرعته على طوق
يمحي من القاموس كلمة مخاطر
ولو قلت بعيوني صباحي على ذوق
يسعد صباحي دامك الذوق صاير
الشاعره تهاني المبيريك

No ads

View Web Edition: WWW.ALAYAM.COM